Nafarroako Foru Komunitatean euskarari buruzko ebazpena

Europako Hizkuntz Gutxituen Bulegoko (EBLUL) Batzar Nagusiak, Europear Batasuneko 15 estatuetan dauden hizkuntza gutxituak ordezkatzen dituenak, Iraileko 13an Helsinkin edukitako biltzarrean ondoko ebazpena onartu du:

Europako ezaugarririk bereizgarrienetakoa hizkuntza eta kultur aniztasunean datza, gehien batean lurralde txikietan hedatuak. Hizkuntza eta kultur herentzia erraldoi hau babestu eta zaindu behar dugu, ahalegin bereziak egin arren mehatxupean dauden hizkuntz gutxitu hauengan. Hizkuntzen hauen hiztunek eremu publiko eta pribatuan erabilpenaren eskubideak dute. Printzipio hauen kontra Iruñeko udal agintariek (Nafarroako Foru Erkidegoko hiriburukoak) aplikatzen ari diren erreformak era ezkor batean mugatzen ari dira euskaren erabilpena. Euskara gure erkidegoan arriskuan dagoen hizkuntza bakarra da eta horregatik ez ditu jasan behar erreforma hauen ondorio kaltegarriak.

Iruñeko udal agintariek hartutako erabaki hauek kontra egiten dute Europako Erakundeen hizkuntz politikaren oinarriekin, bai hitzetan bai izpirituan, eta zehatz-mehatz, Erregioko Zein Gutxiengoen Hizkuntzei Buruzko Europako Kartaren kontra. Are gehiago 18/1986 Foru Legearen izpirituaren kontra egiten du, hots, administrazio publikoen konpromisoa euskararen babesa eta garapenarekin.
Hau dena kontutan hartuz, EBLULek salatzen du Iruñeko udal agintariek egin dituzten erreformek eragin handia izango dutelako Iruñeko elebidun paisaia hiltzen eta baita euskararen erabilpenaren murrizketa udal administrazioaren aurrean ere.
Arrazoi hauengatik, udal agintariei, eta espreski Gobernu Batzordean dauden taldeei, euskararen inguruko politiken berrikuspena eskatzen diegu eta bereziki politika hau Erregioko Zein Gutxiengoen Hizkuntzei Buruzko Europako Kartan definitutako eredura egokitzea.